قصيدة سلاح الهجر

فوك راس العين شلتك من اجيت
وانتة ماتلفض الـ( اهلا ) من امر
تدري نيتي وياك حلوة وكلهه خير
اذن ليش اتصير وي كلبي الشمر
مترة جان الموت عني وما اجيت
هسه شترجة وصبح عني شبر
قصر من عندك شفت بعيوني هاي
لا تكلي اعيونك البيهن قصر
عشرة بالمية جنت منطي تخون
الواحد انتة اعشكته والباقي (صفر)
جسر سويت الكلب حتى تفوت
من عبرت شبيك فلشت الجسر
تملك بروحي ارض كلهه اشتياق
وآنه يمك شوك ما املك متر
يمي لاتاخذ ولك دور الحمام
اسوالفك ذني ميمشن عالنسر
نار وياية وجنت تطفة اكول
ومن طفيت اتحولت لكن جمر
اجر من ربك اذا انتة تريد
كلي ياهو الغيرك تكسب اجر
جبر لمن تنكسر ليدك يصير
اشتحط لكن اذا كلبك ينكسر
مدري انتة الجيت زيدت العذاب
مدري جابك حتى تذبحني الفكر
مالة قيمية الـ (س) اذا أُس ماكو بي
وصعب حلة يصير اذا صار بجذر
المد اذا ماخلة للجزر احترام
بعد ميشوف ابد وجهه الجزر
الليل اذا ماحسب الوكت الشروق
لازم ايكضة ويشك حلكة الجزر
العجز اكبر صورة اذا بيدة يشيل
محد ايصفكله اذا عاف الصدر
من تريد اتجيب عذرك للسماح
جيب نيتك حتى اصدك بالعذر
كلبي درعته بدرع لا للدموع
يعني بي ميأثر اسلاح الهجر
من غدرتة الكلبي ماشفتك صحيح
لكن اشتميت بالحضنة الغدر
حذر ماماخذ جنت من السيوف
هسه من سيفي اذا اسله حذر
فعل ماضي اعلى الهجر مبني الرجوع
وفعل نسيانك مضارع مستمر
عالكلب لاتهد جيش الذكريات
ترة ايهدلك بس تصل جيش الصبر
فوك صح انتة صرت بس استفيق
الكاع يمسح بيك اذا ضاج الحدر
روح متحصل اذا ترجعلي كوخ
والك بالجنة اذا ترحل قصر
نخلة طبعي المازكاني بأيدة ماي
لو يموت بصفي ما انطي تمر

مشكووووووووووور ياسر

[ندعوك للتسجيل في المنتدى أو التعريف بنفسك لمعاينة هذا الرابط]

» قصيدة في حب الامام علي لبولس سلامة
» حب الحسين …في قصيدة الشاعر الكبير عبد الرزاق عبدالواحد