اريد اعلن حداد

[ندعوك للتسجيل في المنتدى أو التعريف بنفسك لمعاينة هذه الصورة]
السلام عليكم
هاي اول مشاركة الي اتمنة تنال اعجابكم

قصيدة بعنوان

اريد اعلن حداد

اريد اعلن حداد وللعشك ماعود
وريد انساك ونسة البينك اوبيني

وشك دفتر غرامك خاطر انةانساك
ودير الوجه عنك من تلاكيني

ماريدك بعد لوانت روحي اتصير
اوماريدك لون من موت تحييني

ملح بعيوني احطن ونسة حتى النوم
اخافن بلمنام طيوفك اتجييني

اذا شافتك عيني اوفرحت ابملكاك
والله اتبره منهه اوهاي موعيني

وذا صافحك جفي ابحجة الخملان
اكص اثنين اديه ايساري ويميني

وذا كالولي حبك يسري بلشريان
ثق بلله اكطع كل شراييني

وذا صاير شمس انه ابقه دوم ابليل
اوماريد الضوة اوبلظلمه خليني

تذكرمن لكيتك والعطش واليك
اوكلتلي امعود اترجاك روييني

عصرت اجفون عيني اووشلييت دموع
اوشربتك بديه اوانت تدرييني

اومن مرني العطش صرت انت جربة ماي
كصدتك معتني اومديت جفيني

ونتة ابكل وكاحة اوكل صلافةعين
درت بجفوفي سم اوردت تنهيني

تذب نفطك عليه اوانه بيه النار
اوتتحمه اعلناري اوماتطفيني

اوصرت محبس بديك اوكمت بيه اتسوم
ساعة اتبيع بيه اوساعة تشريني

اظل خصمك وفظحك حتى من اتموت
على كبرك اخططططن بايك اسنيني

مع تحياتي
Mad

عــٌِّ⁄ـﮱـصـبـٌِّ⁄ـﮱـيـ

الله سلمت وسلمت يداك على الكلمات الرائعة يا مبدع تقبل مروري

[ندعوك للتسجيل في المنتدى أو التعريف بنفسك لمعاينة هذا الرابط]

اهلا بيك يامبدع بين أخوانك وأخواتك بس الله يساعدك هاي شصاير بحالك هههههه تقبل مروري حبي

يسلمو على المرور شباب خوية القلب الحزين صاير فلكة اني وداعتك

اوصرت محبس بديك اوكمت بيه اتسوم
ساعة اتبيع بيه اوساعة تشريني

اظل خصمك وفظحك حتى من اتموت
على كبرك اخططططن بايك اسنيني
يسلمو عصبي كلمات رائعه تقبل مروري

♥علاء العراقي♥

مدير معهد ديالى التطويري

كلمات مؤثره ولطيفه حقا انت مبدع والله ولنعم

[ندعوك للتسجيل في المنتدى أو التعريف بنفسك لمعاينة هذه الصورة]

» اريد ترحيب حااار
» اوي خشمي جبير اريد اسوي عمليه !