ياصاحبي العمر خلصان

يا صاحبي العمر خلصان واكيد الدنيا مكضيه
ونشوف الناس ما هي الناس نست كلمة الحنيه
كبل جان المحب يموت لاجل المحب يوميه
وكبل جان الي تنخاه ابد ميكول شعليه
كبل جانت كلوب الناس بيضه وصافيه النيه
كبل جانت الناس الله اكبر كلها حنيه
شبيها تغيرت الناس عكارب صارت وحيه
وليش الطيب ذاك اندار وتحول انانيه
بعد يا صاحبي ششتكي الذنب لا بيك ولا بيه
اذا ناطور بيتك فرهدك بسكوت عليمن تنتظر انت الحراميه

يا صاحبي العمر خلصان واكيد الدنيا مكضيه

مشكوووووووور القلب الحزين بس صدكني لو خليت قلبت اكو هواي ناس طيبه ولاجل عينها مستمرة الحياه
وعراقنا واهله اهل الغيرة والنخوة تقبل مروري يا مبدع

[ندعوك للتسجيل في المنتدى أو التعريف بنفسك لمعاينة هذا الرابط]

اي صح ياعيون المها بس مرات واحد من كد مايشوف ضيم يكتب هيجي شووووكرا عالمرور الجميل

يسلمو القلب الحزين صح لسانك من القهر يكوم الطير المذبوح يركص تقبل مروري

صح بدنك قيصر حبي وشوووكرا عالمرور الجميل

يسلمو القلب الدنيا بيها اشكال والوان عيش وشوف تقبل مروري يا مبدع

اي صحيح وشفت قسم من الاشكال الي تقصدينها وهسة عايش شوووكرا عالمرور يالغالية

» ¨°•√♥ حيــن تسقط أوراق العمر ♥√•°¨