نادم عالتعب انة التعبتة عليك

نادم عالتعب انة التعبتة عليك
وكل لحضة الكضت وياك من عمري

من شفتك كلت هو الادور اعلية
عوضني زماني الحيرتي وصبري

من تظحك احس الدنية بية ادور
......وكلبي ايطير الك ملهوف من صدري

ولوعني ابعدت اشتعل كلي بنار
موعاقل اشكك خايب بعقلي

كل الليل هايم عايش بذكراك
مشدوه الفكر متحير بامري

اسمك من اصبح غافي فوك اشفاي
وية الدم محبتك كل وكت تسري

اشوفك كلشي انته ولااحسب بيوم
وية الغير يمكن ينشغل فكري

ثاريني ابوهم ماادري شنهي ايصير
تكطع بالوصل كل مادرت ظهري

تمشي ابيا درب وانة اعلة دربك ضال
اتصور وردتي اتفوح من عطري

اتعب والدمع يسكي ابشتالك سيح
وسهامك مناجل تحصد ابردي

مافكيت عيني وحاسبت هالروح
ثاريني غشيم وكلشي ماادري

جف بايد غيري وجف علي يندار
وعيونك علية وتحفر بكبري

ماادري شجاني وصدكت ضحكات
ثاريهه خناجر لايذة بكتري

جاشلي ابعمر ايامة كلهن ظيم
مااكتب شعر وتغزل ابشعري

قصتي وياك صارت ذكرى للنسيان
وبحلامي الرياح العاتية اتذري