رواع من ابيات الدارمي

[ندعوك للتسجيل في المنتدى أو التعريف بنفسك لمعاينة هذه الصورة]
تقبلو مني هاي الدارميات ارجو ان تنال اعجابكم

من شفت طول أهواي واكف وره ألباب:: *** أبحيلي ماضل حيل مثل أشمع ذاب
هاك اخذ نص الروح وتركلي بس نص *** حتى من غص بالزاد من يمك اتغص
سلمت..مارديت مو لازم ترد *** كالب خلقتك ليش بس عوزك تهد
يالحمزه يالعباس يالمحضر الغاب *** تجمعني ويه هواي لو حدر التراب
فسرلي معنى الشوك وآهات لفراك *** وبرهن الضايج ليش لحبابه يشتاك
غربه وحزن وهموم كملهه الفراك *** ولعيونج الحلوات يا يمه مشتاك
كون التريدة الروح اجرب لنة يمك *** وتتكابل انتة ويا وتشكيلة همك
المثل من ينگال بي حكمة للناس *** ينضرب للإرشاد لاچن مينقاس
من غبت دمعي عليك سويته هوسه *** اتحاسب انى وياك كل دمعه بوسه
أبني المحبه بطيب ساف أعلى من ساف *** والقلب مثلك دوم لاحب ولاشاف
اتمنى كون وياك اسهرلي ليله *** واشكيلك اني هموم روحي العليله
كلبك نسانه بساع مدري شجراله *** مايذكر اليهواه حتى برساله
اعيوني الك والبال وكليبي والروح *** وصدكني اصير رماد بس تمشي وتروح
كوت ونجف واربيل بصره وسماوه *** ماشفت واحد هيج شايل حلاوه
تدري شكثر اهواك يا اغله الاحباب *** حد كمت اصدك بيك وادري انته جذاب
واحسبت كلشي وياك كل التريده *** بس ماحسبت تخون جانت بعيده
شمالك يابعد الروح جف حبرك وياي *** منك ردت بس بيت لاتكتب اهواي
شفتك صباح العيد بس عمده عفتك *** خايف ابوسك حيل واكطعه شفتك
جم اَه جم ويلاه جم حسره جم اَخ *** كلهن كلتهن وين شو كلبي ما فاخ
شالت سفينة نوح من كلشي اثنين *** لو لاگي مثلك نوح چا حمل الفين
معجب واسوي ازعاج بس للاحبهم *** ريت الله كل اعداك ياخذ عمرهم
لتكلي لك ماجيت والكعبه جيتك *** وسالهم شسويت من مالكيتك
[ندعوك للتسجيل في المنتدى أو التعريف بنفسك لمعاينة هذه الصورة]